Benzema ya kai karar Ministan cikin gidan Faransa
A rahoton jaridar Euro, Ministan harkokin cikin gida na Faransa wanda kuma dan asalin kasar Algeria ne, ya soki tsohon tauraron kungiyar kwallon kafa ta Real Madrid ta kasar Spain kuma wanda ya lashe kyautar Ballon d’Or a shekarar 2022 ta hanyar buga wani rubutu a dandalin X. . Dalilin wannan suka kuwa shi ne matsayin Karim Benzema na goyon bayan al'ummar Gaza da kuma yin Allah wadai da laifukan gwamnatin sahyoniyawan.
Dangane da haka ne kafafen yada labarai a birnin Paris suka rawaito cewa Karim Benzema ya shigar da kara kan zargin cin mutuncin ministan harkokin cikin gida na Faransa Gerald Daronin wanda ya zargi dan wasan na Faransa da alaka da kungiyar 'yan uwa musulmi.
Lauyan Benzema ya shigar da korafin nasa zuwa kotun shari'a ta Jamhuriyar saboda ita ce kotu daya tilo da za a gurfanar da mambobin gwamnati.
Daronin ya zargi dan wasan da rashin tausayawa Isra'ilawan da Hamas ta kai musu hari a lokacin da guguwar Al-Aqsa ta kai a ranar 7 ga watan Oktoba.
Sai dai kuma sukar da ‘yan kasar Faransa ke yi, inda wasu ke kira da a kwace wa Benzema, wanda haifaffen Faransa ne a matsayin dan kasa.
A cikin korafin nasa, Benzema ya yi tir da kalaman da ministan ya yi a kansa, yana mai cewa sun lalata masa kwarin gwiwa. Ya zargi Daronin da bata masa suna saboda zargin alakar da ke tsakaninsa da kungiyar 'yan uwa musulmi.
A wancan lokaci kalaman na ministan cikin gidan Faransa ya haifar da hayaniya mai yawa a bangaren siyasar Faransa, musamman masu ra'ayin gurguzu, wadanda suka zarge shi da cin mutuncin sakon da Benzema ya wallafa a shafinsa na twitter domin zabe. Wannan shi ne matsayin da lauyan Benzema ya bayyana a wata tashar Faransa a ranar 20 ga watan Oktoban da ya gabata.
