Sadio Mane yayi aikin Umrah

Makkah (IQNA) Sadio Mane, bayan wasansa na farko a kulob din "Al-Nasr" ya gudanar da aikin Umrah kuma an buga hoton bidiyon a shafukan sada zumunta.

Kamar yadda jaridar Arabi 21 ta ruwaito, tauraron dan kwallon kafar kasar Senegal, Sadio Mane, wanda ya koma kungiyar Al-Nasr ta kasar Saudiyya a kwanakin baya, ya gudanar da aikin Umrah tare da wasu 'yan wasan kwallon kafa bayan wasansa na farko a wannan kungiyar.

 Wasan farko na Sadio Mane (mai shekaru 31) na kungiyar Al-Nasr ya gudana ne a ranar Alhamis 12 ga watan Agusta, kuma ya shiga fili ne a kashi na biyu na wasan maimakon Abdul Aziz Al-Lawai.

 Wannan wasan dai ya kare ne da ci 1-1 da Cristiano Ronaldo ya ci kwallon sannan Al Nasr ta tsallake zuwa zagaye na biyu na gasar cin kofin kasashen Larabawa.

 Masu amfani da shafukan sada zumunta sun yada hoton bidiyon kasancewar wasu taurarin wannan tawagar karkashin jagorancin Sadio Mane, Siko Fofana da Waleed Abdallah a Masjid al-Haram.

 Mane ya koma kungiyar Al-Nasr ta kasar Saudiyya a ranar Talatar da ta gabata, kwana guda bayan ya sanar da barin kungiyar Bayern Munich mai rike da kofin gasar Jamus.

1282151